မြို့ပြ RS

“ချစ်ခဲ့တဲ့ နှစ်နှစ်ကျော်ကိုသေချာပြန်စဉ်းစား၊ သုံးသပ်လိုက်လေနော့၊ အဆင်မပြေရင်လည်းအဆုံး သတ်ကြ တာပေါ့”

ချစ်သူရည်းစား ရန်ဖြစ်စကားများတိုင်းထိုစကားလုံးများအတိုင်းမဟုတ်သည့်တိုင် လမ်းခွဲခြင်းဆီကိုဦးတည်သည့် အဓိပ္ပါယ်မျိုးကို ကျွန်တော်တို့ ချစ်သူနှစ်ဦးပြောကြမြဲ။ ကျွန်တော်ကပိုပြီးပြောမြဲပင်။ သူက တော့ ဆယ်ခါတစ်ခါ လောက်မှပြောတတ်ပါသည်။ သူထိုသို့ပြောလာသည့်အခါ အင်မတန်ခံစားရပါသည်။ Continue reading “မြို့ပြ RS”

အမှတ် ၆၁ ဘတ်စ်ကား

“ဖုန်းနှိုက်သွားပြီ”

ကျွန်တော့်နောက်မှ အမျိုးသမီးငယ်၏ အာမေဋိတ်ကြောင့် ဘတ်စ်ကားတစ်စီးလုံး၏ အာရုံကသူ့ထံကို ရောက်သွား ခဲ့လေသည်။ အသက် ၂၀ စွန်းစွန်းသာရှိမည့်မိန်းကလေး။ အလုပ်သွားသည့်ပုံစံပေါက်သည်။ ကျောပိုးအိတ်ကို ဘေးတစ်ဖက်ချပြီးလွယ်ကာ ထမင်းဘူးကိုလက်တစ်ဖက်မှ ကိုင်ထားသည်။ ဆံပင်ကိုသေသေသပ်သပ် ဖြီးလာပုံရသော်လည်း ကားပေါ်မှာလူကြပ်သည်ကြောင့် နားသပ်စများဖွာလန်ကြဲထွက်နေကာ တစ်ကိုယ်လုံး ချွေးသီးချွေးပေါက်များကျလျှက်ရှိနေသည်။ သူတင် ပဲလားဆိုတော့မဟုတ်ပါ။ တစ်ကားလုံး ရေနွေးငွေ့ပေါင်းခံစက် ထဲကိုရောက်နေသကဲ့သို့အပူရှိန်အဟုန် က ဟုန်းခနဲ ဟုန်းခနဲ။ Continue reading “အမှတ် ၆၁ ဘတ်စ်ကား”

အလုပ်သစ်ကိုမပြောင်းခင် စဉ်းစားသင့်သည့် အချက် (၃) ချက်

(၁) ဘာလို့ပြောင်းချင်တာလဲ

ပထမဆုံးစဉ်းစားရမယ့်အချက်ဖြစ်ပါတယ်။ ဒီမေးခွန်းလေးတွေကိုဖြေကြည့်ပါ။ ကိုယ့်အထက်လူကြီးနဲ့ အဆင်မ ပြေလို့လား၊ အလုပ်တွေမတရားပိနေလို့လား၊ လုပ်ငန်းခွင်မှာဆက်ဆံရတဲ့သူတွေနဲ့အဆင်မပြေလို့လား၊ အလုပ်ကို ငြီးငွေ့နေတာလား၊ ကြိုးစားနေပေမယ့် လစာတိုးဖို့အခွင့်အရေးမရှိလို့လား စတဲ့ အချက်တွေကို ကိုယ့်ကိုကိုယ် မေးကြည့်ပါ။ အနည်းဆုံးနှစ်ချက်နဲ့ငြိနေပြီဆိုရင်တော့ ဆုံးဖြတ်ချက်မှန်ကန်နေပါပြီ။ Continue reading “အလုပ်သစ်ကိုမပြောင်းခင် စဉ်းစားသင့်သည့် အချက် (၃) ချက်”

မိနီ ဖရဲသီးဗန်းမှောက်တော့မည်

(၁)

“ဟော ဟော ဟိုမှာ ဟိုကောင်မလေးသနားပါတယ်၊ စျေးဗန်းတစ်ခုလုံးမှောက်ကျသွားလို့ငိုနေတယ်”

မိနီတို့အတွက်တော့ ထိုစကားသံမှာမဆန်းတော့ပါ။ ဖရဲသီးဗန်းမှောက်ချထားရာနေရာကို သူတို့လာကြည့် လိမ့်မည်။ မိနီကိုသနားလိမ့်မည်။ အနည်းဆုံး တစ်ထောင်တန် နှစ်ရွက် အများဆုံးတစ်သောင်းတန်တစ် ရွက်ပေးခဲ့ကြလိမ့်မည်။ ထိုရည်ရွယ်ချက်သည်ပင်လျှင် မိနီလုပ်သည့်အလုပ်မဟုတ်ပါလား။ Continue reading “မိနီ ဖရဲသီးဗန်းမှောက်တော့မည်”

ခမ်းနားခြင်းမြို့တော် ရှန်ဟိုင်း

သွားလည်သင့်တဲ့နိုင်ငံထဲမှာ ရှန်ဟိုင်းပါပေမယ့် သတိထားစရာတွေများတယ်ဆိုတာ သုံးလေးခေါက် လောက်ရောက်ပြီးမှ ဆင်ခြင်မိပါတယ်။ အရမ်းလှအရမ်းမိုက် စျေးဝယ်လို့အရမ်းကောင်းသလို ရှောင်ရန် ဆောင်ရန်လေးတွေလည်းရှိပါတယ်။ ဆိုတော့ ရှန်ဟိုင်းမြို့ကိုရောက်စဉ်ကပေါ့ခင်ဗျာ။ Continue reading “ခမ်းနားခြင်းမြို့တော် ရှန်ဟိုင်း”